__________________________________________________________________

           Title: Poema
      Creator(s): Owen, John (1616-1683)
   CCEL Subjects: All; Theology; Classic; Proofed;
     __________________________________________________________________
     __________________________________________________________________

   Poema.
     __________________________________________________________________

   [Prefatory note. Among the addresses presented to Cromwell when he
   succeeded in concluding a peace with the Dutch in 1654, the University
   of Oxford joined in the tribute of congratulation by publishing a small
   pamphlet of poetical effusions, entitled, "Musarum Oxoniensium
   Elaiophoria," etc. The first of these was from the pen of Dr Owen, and
   is the only specimen of his muse. Prefixed to the work was a
   dedication, commemorating the services of Cromwell to the University.
   The dedication and the poem follow. -- Ed.]
     __________________________________________________________________

   Serenissimo Olivero, Reipub. Ang., Scot., et Hiber., Domino Protectori,
   et Acad. Oxon. Cancell.

   Quod sero admodum gratulabunda videatur (suo more) tibi accedere
   academia tua Oxoniensis, ex stupore est ingentis beneficii, ex quo
   rerum potitus es, suscepti, unde non nisi iteratis gaudiis excitari
   potuit. Expergefacta tandem, undique mutuo sibi gratantium plausibus,
   pacemque reboantibus terrarum mariumque vocibus, festinanter, et vix
   forsan composite decurrens, coram Celsitudine vestra devoluta, vota,
   quae dulci somno soluta conceperat, effundit. Ad littus appulsi
   reliquam sentiunt aliquamdiu a jactatione sali vertiginem; nec, nisi
   refecti, rect`a incedunt. Nobis, haud ita pridem, apud ignaros morum
   quibus hic vivimus, res erat. Lubrica inde et infida statio. More autem
   hominum evenit, ut pronis auribus calumnia excipiatur, laudi rara
   fides. Hinc modo gentis gloria et deliciae fuimus, mox paene ludibrium.
   Nec frustra sane oderunt literas, qui posteritatis conscientiam
   reformidant. Dei immortalis beneficio, suo gradu, per te, sistitur
   academia. Nonnihil temporis admirationi dicant stupenda; haud aliis hac
   tempestate stetit gentis togatae salus. Saevis tandem erepta periculis
   subito calore, et festinandi quadam libidine, in vota haec erumpit.
   Nemini ea gravia fore sperat, nisi cui perennare bellum cordi est,
   donec desertas urbes teneant antris ejectae ferae, et antra vicissim
   occupent, pulsi urbibus, homines. Neque enim illud genus hominum
   attendunt musae, quod rebus gerendis cum sit vehementer impar,
   vehementer tamen affectat rerum imperia. Inde vero extra tela positi
   videamur, quod tute nostri patrocinium proxime suscipere non
   dedignaris: neque alio a teipso monitore apud Celsitudinem vestram
   nobis opus est. Intercessoribus plerumque infida spes, praesertim in
   aulis principum, ubi rara absentium memoria, nisi opprimendis. Pacis
   ideo laudes, apud teipsum, rebus bellicis omni nostra laude majorem,
   plurimis victoriis quaesitae, et quaqu`a patet orbis Christianus
   aeternum celebrandae, academiam tuam canora voce resonantem, benigne
   (hoc est tuo more) ut accipias, humillime precatur,

   Serenissimae Celsitudini tuae
   Devotitsimus cliens,
   Et
   In celeberrima Academia tua
   Procancellarius,

   Jo. Owen.
     __________________________________________________________________

   Ad Protectorem.


   Pacifica Augusti quem non fecere poetam?

   Sanctior, ingenium et musa mihi, genius:

   Concolor haud cygnis, vano nec percitus oestro,

   Ex humili subitus vate poeta cano.

   Quin magis ut placeam numero, numerisque refertus

   Advolo: nempe omnis musa chelysque tua est.

   Quod nisi consiliis academia fulta fuisset

   Caesaris, auspiciis gensque togata tuis;

   Excideras Auguste tibi, victoria noctem

   Senserat, haud pacis gloria tanta foret.

   IIas tibi pro musis grates academia mittit,

   Qui pax una foris diceris, una domi:

   Nomine utroque tuas laudes haec pagina gestit

   Tollere, qui pacis nomen et omen habes.

   Accipias facilis, merito quos reddit honores,

   Heroi invicto, pacis amica cohors.

   Jo. Owen,
   Acad. Procan.
     __________________________________________________________________

                                    Indexes
     __________________________________________________________________

Index of Latin Words and Phrases

     * Acad. Procan.: [1]1
     * Accipias facilis, merito quos reddit honores,: [2]1
     * Advolo: nempe omnis musa chelysque tua est.: [3]1
     * Caesaris, auspiciis gensque togata tuis;: [4]1
     * Concolor haud cygnis, vano nec percitus oestro,: [5]1
     * Ex humili subitus vate poeta cano.: [6]1
     * Excideras Auguste tibi, victoria noctem: [7]1
     * Heroi invicto, pacis amica cohors.: [8]1
     * IIas tibi pro musis grates academia mittit,: [9]1
     * Musarum Oxoniensium: [10]1
     * Nomine utroque tuas laudes haec pagina gestit: [11]1
     * Pacifica: [12]1
     * Quod: [13]1
     * Quod nisi consiliis academia fulta fuisset: [14]1
     * Qui pax una foris diceris, una domi:: [15]1
     * Quin magis ut placeam numero, numerisque refertus: [16]1
     * Sanctior, ingenium et musa mihi, genius:: [17]1
     * Senserat, haud pacis gloria tanta foret.: [18]1
     * Serenissimae Celsitudini tuaeDevotitsimus cliens,EtIn celeberrima
       Acadcmia tuaProcancellarius,: [19]1
     * Serenissimo Olivero, Reipub. Ang., Scot., et Hiber., Domino
       Protectori, et Acad. Oxon. Cancell.: [20]1
     * Tollere, qui pacis nomen et omen habes.: [21]1
     __________________________________________________________________

            This document is from the Christian Classics Ethereal
               Library at Calvin College, http://www.ccel.org,
                   generated on demand from ThML source.

References

   1. file://localhost/ccel/o/owen/poema/cache/poema.html3#i.iv-p1.38
   2. file://localhost/ccel/o/owen/poema/cache/poema.html3#i.iv-p1.32
   3. file://localhost/ccel/o/owen/poema/cache/poema.html3#i.iv-p1.14
   4. file://localhost/ccel/o/owen/poema/cache/poema.html3#i.iv-p1.18
   5. file://localhost/ccel/o/owen/poema/cache/poema.html3#i.iv-p1.8
   6. file://localhost/ccel/o/owen/poema/cache/poema.html3#i.iv-p1.10
   7. file://localhost/ccel/o/owen/poema/cache/poema.html3#i.iv-p1.20
   8. file://localhost/ccel/o/owen/poema/cache/poema.html3#i.iv-p1.34
   9. file://localhost/ccel/o/owen/poema/cache/poema.html3#i.iv-p1.24
  10. file://localhost/ccel/o/owen/poema/cache/poema.html3#i.ii-p1.2
  11. file://localhost/ccel/o/owen/poema/cache/poema.html3#i.iv-p1.28
  12. file://localhost/ccel/o/owen/poema/cache/poema.html3#i.iv-p1.3
  13. file://localhost/ccel/o/owen/poema/cache/poema.html3#i.iii-p2.1
  14. file://localhost/ccel/o/owen/poema/cache/poema.html3#i.iv-p1.16
  15. file://localhost/ccel/o/owen/poema/cache/poema.html3#i.iv-p1.26
  16. file://localhost/ccel/o/owen/poema/cache/poema.html3#i.iv-p1.12
  17. file://localhost/ccel/o/owen/poema/cache/poema.html3#i.iv-p1.6
  18. file://localhost/ccel/o/owen/poema/cache/poema.html3#i.iv-p1.22
  19. file://localhost/ccel/o/owen/poema/cache/poema.html3#i.iii-p3.1
  20. file://localhost/ccel/o/owen/poema/cache/poema.html3#i.iii-p1.1
  21. file://localhost/ccel/o/owen/poema/cache/poema.html3#i.iv-p1.30