Chapter 52

¹in finem pro Melech intellegentiae David dixit insipiens in corde suo non est Deus ²corrupti sunt et abominabiles facti sunt in iniquitatibus non est qui faciat bonum ³Deus de caelo prospexit in filios hominum ut videat si est intellegens %aut; requirens Deum ⁴omnes declinaverunt simul inutiles facti sunt non est qui faciat bonum non est usque ad unum ⁵nonne scient %omnes; qui operantur iniquitatem qui devorant plebem meam ut cibum panis ⁶Deum non invocaverunt illic trepidabunt timore ubi non fuit timor quoniam Deus dissipavit ossa eorum qui hominibus placent confusi sunt quoniam Deus sprevit eos ⁷quis dabit ex Sion salutare Israhel dum convertit Deus captivitatem plebis suae exultabit Iacob et laetabitur Israhel